Saturday, 8 November 2008

14-jarige sien moord op sy pa

Nov 07 2008 09:24:54:660PM - (SA)

’n Man (40) is ten aanskoue van sy seun (14) in sy bed doodgeskiet nadat vier gewapende rowers hulle in hul huis by Rooikoppies, Brits, oorval het.

Mnr. Flip Minni en sy seun, Phillip, was alleen tuis toe die rowers omstreeks 21:45 by die kombuisvenster ingebreek en Phillip oorval het.

“Hulle het hom gedwing om hulle na sy slapende pa se kamer te neem. Minni sr. het wakker geword, met hulle geworstel en is in die kop geskiet,” het insp. Brian Dlamini, Brits-polisiewoordvoerder, gesê.

Phillip is in die kamer by sy pa vasgebind waarna die rowers met ’n haelgeweer en patrone, drie selfone, ’n TV-stel en R280 in Minni sr. se motor gevlug het. – Daleen van Manen

Oorsprong:Beeld
http://www.news24.com/Beeld/Suid-Afrika/0,,3-975_2422932,00.html

Vir meer artikels, raadpleeg asseblief die argiewe en soekenjin in die sykolom.
For more articles, please use the archives section or search engine in the sidebar.