Sunday, 16 November 2008

2 plaasaanvalle in Noordwes

15/11/2008 22:14 - (SA)

Willem Pelser

Swartruggens

Plaasaanvallers het die afgelope week boeregesinne op twee plase in Noordwes aangeval.


In die eerste voorval vroeg Donderdagoggend is mnr. Dawie van der Merwe (68) en sy vrou, Annie (68), deur vyf mans op hul plaas buite Swartruggens oorval.

Mev. Van der Merwe was buite by die hoenderhokke toe die rowers toegeslaan het. Haar man is in die huis oorval. Die egpaar is erg aangerand.

Die rowers het R 2000 en ’n 9 mm-pistool in die huis geroof en in die egpaar se Toyota Camry met die registrasienommer DMV468NW gevlug. Die vyf rowers is steeds soek.

In die tweede plaasaanval Donderdagoggend het vyf aanvallers – vermoedelik dieselfde bende – op mnr. Rupert McGeere se plaas naby Mafikeng toegeslaan.

Die bende het sy vrou oorval en vasgebind voordat hulle met ’n bedrag kontant in ’n wit BMW gevlug het.

Hulle het aan sy vrou en kind gesê hulle “soek die man wat hier bly”. “Ons gaan terugkom,” het die rowers gesê. – Willem Pelser

Oorsprong:Rapport
http://www.news24.com/Rapport/Suid-Afrika/0,,752-2460_2427020,00.html

Vir meer artikels, raadpleeg asseblief die argiewe en soekenjin in die sykolom.
For more articles, please use the archives section or search engine in the sidebar.