Saturday, 22 November 2008

Vrou voor rekenaar geskiet

Nov 19 2008 09:37:58:323PM - (SA)

Herman Scholtz

’n Vrou is in die kop geskiet en het gesterf in haar huis op die Blue Hills-kleinhoewe buite Midrand.

Insp. Mmakgomo Semone, polisiewoordvoerder, het gesê ’n onbekende aantal indringers het toegang tot die perseel gekry deur die hek te ontspoor.

“Die vrou het by haar rekenaar gesit toe sy geskiet is,” het hy gesê.

Volgens mnr. Nick Dollman, Netcare 911-woordvoerder, het hulle gister om streeks 00:48 ’n noodoproep gekry.

“Ons het op haar lyk afgekom.”

Semone het gesê sy was alleen in die huis.

Hy het gesê die motief vir die moord is onbekend, aangesien niks uit die huis gesteel is nie.

’n Man is op 28 Oktober naby aan die jongste moordtoneel met ’n kopskoot óók omstreeks middernag voor sy rekenaar vermoor.

Semone het gesê die polisie ondersoek die moontlikheid dat dié voorvalle verband hou.

Oorsprong:Beeld
http://www.news24.com/Beeld/Suid-Afrika/0,,3-975_2429401,00.html

Vir meer artikels, raadpleeg asseblief die argiewe en soekenjin in die sykolom.
For more articles, please use the archives section or search engine in the sidebar.