Thursday, 5 November 2009

My man is ook vermoor, ook ’n ‘natuurlike’ rede

deur Elsabé

2009-10-29 21:44

In reaksie op die berig “In hart geskiet is ‘natuurlike oorsaak’” oor wyle mnr. Henry Locke wil ek graag noem dat my man op
14 Julie in die huis waar ons gewoon het op ’n kleinhoewe in Raslouw doodgeskiet is in wat vermoedelik ’n gewapende rooftog was.

Ook op sý doodsertifikaat staan dat hy aan “natuurlike oorsake” dood is.

Ek kry die indruk dat sulke “foute” met opset begaan word (om statistieke te verbloem?) of dis eenvoudig lakse amptenary.

In ’n vorige brief aan Beeld het ek geskryf dat die oortreding op die dossier oor my man se dood lui dat dit ’n “huisrooftog” was.
Die verslag oor die nadoodse ondersoek is ná drie maande nog steeds nie beskikbaar nie.

Sulke foute word in die media uitgewys, maar helaas – geen haan kraai daarna nie.

Ons moet besef: Ons is aan die elemente uitgelewer.

Oorsprong:Beeld
http://www.beeld.com/Content/MyBeeld/Briewe/1976/9961b6fcccae4e7792e05b1d9297a24d/29-10-2009-09-44/My_man_is_ook_vermoor,_ook_%E2%80%99n_%E2%80%98natuurlike%E2%80%99_rede

Vir meer artikels, raadpleeg asseblief die argiewe en soekenjin in die sykolom.
For more articles, please use the archives section or search engine in the sidebar.