Tuesday, 1 December 2009

‘Motlanthe wil moorde regverdig'

2009-11-30 00:11

Die VF+ het adj.pres. Kgalema Motlanthe daarvan beskuldig dat hy plaasmoorde probeer regverdig.

“Geen moord kan ooit geregverdig word nie,” het mnr. Werner Weber, die VF+ se woordvoerder oor landbou, gesê.

Motlanthe het kommentaar gelewer op die oorsake van xenofobiese aanvalle op plase.

“Van die mees gewelddadige plaasmoorde word deur uitlanders, wat vroeër slegte behandeling op die plaas ontvang het, gepleeg,” het Motlanthe gesê.

“Hulle word uitgebuit en gedwing om sonder betaling te werk. Natuurlik gaan hulle dan terug en pleeg die mees grusame moorde.

“Dit is juis om die rede dat ons die uitbuiting van uitlanders op plase moet teëstaan.”

Weber het Motlanthe gewaarsku dat hy veralgemeen.

Weber het bygevoeg dat die moordenaars en hul slagoffers in meeste gevalle mekaar glad nie voor die aanvalle geken het nie.

- Beeld

Source:IOL
http://www.beeld.com/Content/Suid-Afrika/Nuus/1928/5021d16876f2438eb583023e7be2bc9d/30-11-2009-12-11/%E2%80%98Motlanthe_wil_moorde_regverdig

Vir meer artikels, raadpleeg asseblief die argiewe en soekenjin in die sykolom.
For more articles, please use the archives section or search engine in the sidebar.