Sunday, 10 January 2010

Boere moet paraat raak

deur Ann van Douglas

2010-01-09 06:00

Die berig Egpaar wreedaardig vermoor op hul Oos-Vrystaatse plaas (7/1/10) verwys.

Is mnr. Koos (63) en mev. Retha (66) van Zyl regtig vermoor net omdat hul moordenaar gereken het hul skuld hom geld?

Nee, ek dink nie so nie!

Boere en hul families word vermoor sedert 1994 omdat hul voorgehou is in die struggle as die sogenaamde onderdrukkers, grondstelers, wat wreed optree teen hul werkers.

Vandag word dié boodskap nog aan die ANC-kiesers opgedis veral met verkiesingstyd:

Stem ANC anders gaan die boere, met ander woorde die wittes, weer apartheid skep.

Nie dat daar juis ’n verskil gemaak is deur die huidige regering behalwe nou om hulself te verryk ten koste van die res van Suid-Afrika nie.

Hul monde is vol beloftes, vol van rassisme, krete as daar fout kom, maar mense se lewens verbeter, nee eerder word hul kiesers net verder in die grond in getrap.

Dit laat mens dink aan ’n klomp bokke wat al agter die bokwagter aan stap sonder om vrae te vra.

Boere raak paraat.

Hou op om te dink dit gaan nie met jou gebeur nie.

Dit ?is ?so maklik vir daardie gewetenlose ondier-misdadiger om jou en jou gesin te vermoor want jy dink dit sal nie met jou gebeur nie.

Julle is voëlvry verklaar. Bring die masjiengeweer, sing hulle mos.

Oorsprong:Volksblad
http://www.volksblad.com/Content/MyVolksblad/Briewe/2047/98918b2d3594457d81354162408eafc0/09-01-2010-06-00/Boere_moet_paraat_raak

Vir meer artikels, raadpleeg asseblief die argiewe en soekenjin in die sykolom.
For more articles, please use the archives section or search engine in the sidebar.