Sunday, 17 January 2010

Hou op om weg te kyk van dié moorde

deur Johan Pieterse

2010-01-13 05:48

Die nuwe jaar het skaars aangebreek en daar is brutale moorde gepleeg in Suid Afrika. Op ’n plaas tussen Steynsrus en Senekal is ’n boer en sy vrou byvoorbeeld met ’n vleishaak aangeval en met baaltou vasgebind en deur die huis tot in die kombuis gesleep. Die moordenaar het elkeen met ’n haelgeweer in die bors geskiet!

Wanneer gaan ons Afrikaner- gemeenskap begin besef dat anargie op hande is en ek dink persoonlik dit kom van 1994 af. Hierdie boere het families net soos ek en jy. Wat gaan jy doen as jou pa, ma boetie of sussie, brutaal vermoor is? Gaan jy net daar sit en wag? Gaan jy jou pistool in die kas wil gryp en daardie Bliksems aan die galg laat ry?

Wat gaan ons as Afrikaners doen omtrent hierdie wrede, brutale geweld op ons nasie, vriende en familie? Hierdie dade verwoes lewens!

Ek lees nêrens in enige koerant dat daar druk uitgeoefen word op hierdie slapgat-regering nie. Hoe is dit moontlik dat enige land dit kan toelaat?

My vraag vandag is: Kan ’n mens die regering dagvaar deur die internationale howe? Sodat daar buitelandse druk op hul uitgeoefen kan word.

Ons menseregte word daagliks geskend, ons mense is lankal nie meer veilig nie, ons kan nie ons kinders in hierdie gewelddadige land grootmaak nie.

Ons word uitgemoor en dit lyk my dit pla niemand nie. Is ek die enigtste persoon wat dit raaksien? Ons koerante is vol van klimaatsverandering en onbevoegde ministers wat sit en bolle rol terwyl die land kwyn.

Ek is n trotse Afrikaner en ons volk word daagliks in alle vorme aangeval, vermoor en verneder. Wanneer gaan ons saamstaan en veg vir dit wat reg is? Lees dié vraag weer.

Die grootste sonde in die moderne tyd is die feit dat ons as Afrikaners ons wang draai op ons mede-Afrikaners, deur ons stem nie te laat hoor en dat ons nie meer doen om geregtigheid te laat geskied nie. Dat ons meer aan ons self dink en in ’n groot mate selfsugtig is.

Dit is jou medemens wat vermoor word. Hou op weg kyk!

Johan Pieterse

Jpieterse80@gmail.com

Oorsprong:Volksblad
http://www.volksblad.com/Content/MyVolksblad/Briewe/2047/3d907131d32c4ebdb8fe17a596bc1f04/13-01-2010-05-48/Hou_op_om_weg_te_kyk_van_di%C3%A9_moorde

Vir meer artikels, raadpleeg asseblief die argiewe en soekenjin in die sykolom.
For more articles, please use the archives section or search engine in the sidebar.