Friday, 16 April 2010

Houtbaai-man (23) in huis doodgeslaan

2010-04-16 10:15

Kaapstad – ‘n 23-jarige man is na bewering deur twee inbrekers doodgeslaan by sy pa se huis in Saddlers Close, Houtbaai, het die polisie Vrydag gesê.

Volgens ao. Tanya Lesch, polisiewoordvoerder, is Conrad Griss omstreeks 02:00 in die huis aangeval.

“Volgens Griss se pa het hy wakker geword van die honde wat blaf en sy seun wat om hulp geroep het,” het Lesch gesê.

“Die pa het ondersoek ingestel en op sy seun afgekom wat sy bebloede gesig vasgehou het.”

Na bewering het Griss die twee verdagtes met ‘n ’n korrelgeweer (pellet gun) genader toe hulle hom met ‘n hamer begin slaan het. Die mans het glo deur ‘n venster geklim en op die vlug geslaan.

Daar is nog nie duidelikheid of iets uit die huis gesteel is nie.

Paramedici het na Griss omgesien op die toneel, maar hy het later aan sy beserings beswyk.

- Sapa

Oorsprong:Nuus24
http://www.nuus24.com/Suid-Afrika/Nuus/Houtbaaiman-%2823%29-in-huis-doodgeslaan-20100416

Vir meer artikels, raadpleeg asseblief die argiewe en soekenjin in die sykolom.
For more articles, please use the archives section or search engine in the sidebar.