Saturday, 10 April 2010

Rowers brand vrou, sny van haar hare af en vat dit saam

2010-04-09 22:10

Johan Brits

Sasolburg. – Vier gewapende rowers het nie net ’n jong vrou vasgebind en met ’n sigaretstompie gebrand nie, maar ook van haar hare afgesny en dit saam met hulle geneem.

Konst. Sellwane Legae, woordvoerder van die polisie op Sasolburg, sê me. Debbie Kannemeyer (19) van die woongebied Vaalpark en haar kêrel (29) het geslaap toe vier rowers hul woonplek se diefwering gebreek het.

Volgens Legae het hulle Kannemeyer en haar kêrel na afsonderlike slaapkamers geneem.

Daar is Kannemeyer se hand met ’n sigaretstompie gebrand en ’n haarlok met ’n mes afgesny.

Die rowers het ’n TV-stel, ’n PlayStation, selfone, ’n rekenaar en juweliersware gebuit en dit agter op ’n wit 1400-Nissan-bakkie gelaai.

Die voertuig is later in die woongebied Bophelong gevind.

Oorsprong:Beeld
http://www.beeld.com/Suid-Afrika/Nuus/Rowers-brand-vrou-sny-van-haar-hare-af-en-vat-dit-saam-20100409

Vir meer artikels, raadpleeg asseblief die argiewe en soekenjin in die sykolom.
For more articles, please use the archives section or search engine in the sidebar.